İrandakı konsulluğumuza qarşı təxribat

Bu barədə Güney Azərbaycan telegram kanalı məlumat yayıb

Oxuma müddəti:

1 dəqiqə

Azərbaycanın Təbrizdəki konsulluğunun qarşısında aksiya keçirilib. Aksiya iştirakçıları Azərbaycanın İsraildə səfirlik açmasına etiraz edib.

Aksiya iştirakçılarının kim olduğu və kim tərəfindən təşkil edildiyi bilinmir. Hüquq-mühafizə orqanları diplomatik nümayəndəliyin qarşısında keçirilən aksiya ilə bağlı heç bir tədbir görməyib.

Təxribatçılar Təbrizdəki Azərbaycan konsulluğunun bağlanması tələbi ilə şüarlar səsləndirib.

Qeyd edək ki, martın 29-da İsraildə Azərbaycan səfirliyinin rəsmi açılış mərasimi keçirilib.

2022-ci ilin sonunda Milli Məclis Azərbaycanın İsraildə səfirliyinin təsis edilməsi haqqında qanun layihəsini qəbul edib. Noyabrın 26-da Prezident İlham Əliyev “Azərbaycan Respublikasının İsrail Dövlətində Səfirliyinin təsis edilməsi haqqında” qanunu təsdiqləyib. Prezident İlham Əliyevin yanvarın 11-də imzaladığı sərəncamı ilə Muxtar Məmmədov Azərbaycanın İsraildəki fövqəladə və səlahiyyətli səfir təyin edilib. M.Məmmədov bu il martın 26-da etimadnaməsini İsrail Prezidenti İsxak Hersoqa təqdim edib.