XƏBƏRLƏR / Qonşular

İrəvan sülh müqaviləsi ilə bağlı son təklifə cavab verib

Bunu Ermənistanın xarici işlər naziri Ararat Mirzoyan bu gün bəyan edib

İrəvan sülh müqaviləsi ilə bağlı son təklifə cavab verib
  • Oxuma müddəti:

    1 dəqiqədən az

  • "Ermənistan Azərbaycanın göndərdiyi sülh sazişinin növbəti layihəsinə cavab verib". Bunu Ermənistanın xarici işlər naziri Ararat Mirzoyan Niderlandın xarici işlər naziri Kaspar Veldkampla birgə mətbuat konfransında bəyan edib.

    “Biz artıq Azərbaycan tərəfinə sülh sazişi layihəsinin 12-ci nəşrinə münasibətimizi bildirmişik”, - Mirzoyan bildirib.

    Onun sözlərinə görə, “Azərbaycan tərəfi ilə sazişin imzalanması və ratifikasiyası ilə bağlı bütün məsələləri müzakirə etmək imkanı olacaq”.

    "Biz həmçinin, məsələn, Ermənistan-Azərbaycan dövlətlərarası sərhədində üçüncü qüvvələrin olmasını istisna etmək kimi müddəaları da müzakirə edirik.", - Mirzoyan deyib.

    Nazir onu da qeyd edib ki, İrəvan və Bakı beynəlxalq məhkəmələrdə qarşılıqlı iddialardan imtina məsələsini müzakirə edirlər.