İrəvanda KTMT XİN, MN-nin birgə iclası keçirilir

Kollektiv Təhlükəsizlik Şurasının üzvləri KTMT-nin fəaliyyətinin əsas nəticələrini müzakirə edəcəklər

Oxuma müddəti:

1 dəqiqə

Ermənistanda Kollektiv Təhlükəsizlik Müqaviləsi Təşkilatına (KTMT) üzv ölkələrin xarici işlər nazirləri, müdafiə nazirləri və Təhlükəsizlik Şurasının katiblərinin birgə iclası keçirilir.

Bu sessiyadan sonra Ermənistanın Baş naziri Nikol Paşinyanın sədrliyi ilə KTMT Kollektiv Təhlükəsizlik Şurasının iclası keçiriləcək.

Kollektiv Təhlükəsizlik Şurasının üzvləri beynəlxalq və regional təhlükəsizliyin aktual məsələlərini və KTMT-nin fəaliyyətinin əsas nəticələrini müzakirə edəcəklər.

Şuranın iclası zamanı sülhməramlı qüvvələrin müasir silahlar, hərbi və xüsusi texnika ilə təchiz edilməsi, birgə radioloji, kimyəvi və bioloji müdafiənin formalaşdırılması ilə bağlı bir sıra sənədlər imzalanacaq.

KTMT-nin Kollektiv Təhlükəsizlik Şurasının sessiyası zamanı Kollektiv Təhlükəsizlik Şurasının bəyannaməsinin qəbulu planlaşdırılır.