İsrail Tehrana hava zərbələri endirdi

Bu barədə həm İran mediası, həm də İsrailin hərbi rəsmiləri məlumat yayıb

Oxuma müddəti:

1 dəqiqədən az

İRNA xəbər verir ki, İsrailin hücumu ilə bağlı xəbərlər arasında Tehranda davamlı partlayış səsləri eşidilib.

İsrail İran İslam İnqilabı Keşikçiləri Korpusunun yüksək rütbəli komandirlərinin yaşadığı ərazidə əməliyyat keçirib.

İsrail SEPAH zabitlərinin mənzillərini hədəf alaraq yaşayış məntəqəsinə hücum etdiyini təsdiqləyir

"İsrail öz əməliyyatını İslam İnqilabı Keşikçiləri Korpusunun (SEPAH) yüksək rütbəli zabitlərinin yaşadığı ərazidə həyata keçirib", - İsrail Müdafiə Qüvvələrinin rəsmi nəşri yazır.

İsrailin hücumu nəticəsində İranda bir neçə yaşayış binasına ilkin olaraq ciddi ziyan dəyib.
"Əl-Cəzirə" ABŞ rəsmisinə istinadən xəbər verir ki, İsrail İrana hücumlar barədə ABŞ-ı əvvəlcədən məlumatlandırıb.