İsrail və Suriya nümayəndələri yenə Bakıda görüşəcək

İsrail və Suriya nümayəndələri cümə axşamı Bakıda təhlükəsizlik məsələləri ilə bağlı növbəti görüş keçirəcək, Sky News Arabia mənbələrə istinadən xəbər verir.

Əvvəllər bildirilmişdi ki, sentyabrın 17-də Londonda İsrailin strateji işlər naziri Ron Dermer və Suriyanın xarici işlər naziri Əsəd əl-Şibani arasında görüş keçiriləcək və bu görüşdə tərəflər təhlükəsizlik sazişi təklifini müzakirə edəcəklər. Danışıqlarda ABŞ-ın xüsusi elçisi Tom Barak da iştirak edəcək. Bu, bu formatda üçüncü üçtərəfli görüş olacaq.

Bir gün əvvəl “Axios” portalı məlumatlı mənbələrə istinadən xəbər verir ki, İsrail Suriyaya yeni təhlükəsizlik sazişi üçün ətraflı təklif, o cümlədən Dəməşqin cənub-qərbindən İsrail sərhədinə qədər təklif olunan silahsızlaşdırılmış zonaların xəritəsini təqdim edib.

Amerikanın Axios xəbər saytı çərşənbə axşamı bildirib ki, İsrailin baş naziri Benyamin Netanyahu sentyabrın sonunda Suriya prezidenti Əhməd əl-Şara ilə görüş təşkil etmək istəyir.

İnternet saytı İsrail rəsmisinə istinadən yazıb ki, Netanyahunun sentyabrın sonunda BMT Baş Assambleyasının iclasları çərçivəsində Əl Şara ilə görüşməyə can atdığını, lakin bu mərhələdə belə bir görüşün baş tutma şansının zəif göründüyünü qeyd edib.

Netanyahu çərşənbə axşamı keçirdiyi mətbuat konfransında ABŞ prezidenti Donald Trampın onu sentyabrın 29-da Ağ Evə dəvət etdiyini bildirib.