ANS Press
ANSTV
ANSÇM
1 dəqiqə
Kolumbiyanın qərbində baş verən 7,4 bal gücündə zəlzələ nəticəsində azı 164 nəfər ölüb.
"Reuters"in xəbərinə görə, ölkədə son onilliklərdə ən güclü zəlzələlərindən biri olan təbii fəlakətdən sonra xilasetmə işləri artıq ikinci gündür davam edir.
Fövqəladə hallar xidmətinin əməkdaşları dağılan binaların və uçmuş evlərin dağıntıları altında qalan insanları axtarır.
Ölənlərin sayının daha da artacağı gözlənilir.
***
09:19
Kolumbiyada baş verən güclü zəlzələ nəticəsində 132 nəfər həlak olub.
Bu barədə “Caracol” televiziya kanalı məlumat yayıb.
“132 nəfər ölüb, 570 nəfər yaralanıb, 32 şəhər qırmızı həyəcan vəziyyətindədir”, - məlumatda deyilir.
10.08.2026 19:00
Kolumbiyanın qərbində baş verən 7,4 bal gücündə zəlzələnin fəsadları ilə bağlı yeni məlumatlar yayılıb. Kalidə zəlzələ nəticəsində azı 20 binanın dağıldığı, bəzi insanların isə dağıntılar altında qaldığı bildirilir.
Bu barədə şəhər meri məlumat verib.
Xilasetmə və fövqəladə hallar xidmətləri dağıntılar altında qalan insanların axtarışını davam etdirir.
Hadisənin miqyası və zərərçəkənlərin sayı dəqiqləşdirilir.
