Konqresmen Co Vilson: “Bu, müharibə aktıdır!”

ABŞ konqresmeni Polşaya həmlə haqda deyir ki, Rusiya NATO-ya hücum edib

Oxuma müddəti:

1 dəqiqədən az

Respublikaçı konqresmen, ABŞ Konqresinin Nümayəndələr Palatasının Silahlı Qüvvələr Komitəsinin üzvü Co Vilson bildirib ki, Rusiyanın Polşaya pilotsuz təyyarə hücumu Donald Tramp administrasiyasının dərhal Kremlə sərt sanksiyalar tətbiq etməsi və Ukraynaya hərbi dəstəyi artırması üçün səbəbdir.

"Prezident Trampın Ağ Evdə Polşa Prezidenti Karol Navroçkini qəbul etməsindən bir həftə keçməmiş Rusiya NATO müttəfiqi Polşaya İran pilotsuz təyyarələri ilə hücum edir. Bu, müharibə aktıdır və biz NATO müttəfiqlərinə hərbi cinayətkar Putinin azad və zəhmətkeş xalqlara qarşı davam edən əsassız təcavüzünə çevik reaksiyaya görə minnətdarıq".