ANSTV
ANSÇM
Livan həbsxanasında baş verən yanğında 3 nəfər ölüb
Bir neçə məhbus şəraitin pis olması səbəbindən qaçmaq istəyərkən həbsxananı yandırıb
1 dəqiqədən az
Cümə günü Livanın şərqindəki Zahl şəhərindəki həbsxanada baş vermiş yanğın nəticəsində 3 məhbus ölüb, 16 nəfər yaralanıb.
Bu barədə Livanın Milli Xəbər Agentliyi məlumat yayıb.
Bir neçə məhbus şəraitin pis olması səbəbindən qaçmaq istəyərkən həbsxananı yandırıb.
Mülki müdafiə qrupları və Qızıl Xaç Cəmiyyətinin əməkdaşları zərərçəkənləri yaxınlıqdakı xəstəxanalara çatdırıblar. Təxminən 650 məhbusun olduğu həbsxananın ətrafına hərbi və təhlükəsizlik qüvvələri yerləşdirilib.
Livan həbsxanalarında vəziyyət 2019-cu ildəki iqtisadi böhrandan sonra daha da pisləşib. Məhkumlar sıxlıqdan və pis yeməklərdən şikayətlənirlər.
