Londondakı kütləvi etirazlar zamanı 25 nəfər saxlanılıb

Bu barədə yerli mətbuat məlumat yayıb

Oxuma müddəti:

1 dəqiqədən az

Londonun mərkəzində dünənki kütləvi etirazlar zamanı 25 nəfər saxlanılıb.

Yerli mətbuatın məlumatına görə, qarşıdurma zamanı 26 polis əməkdaşı yaralanıb, onlardan 4-ü ağır yaralanıb. Qeyd edilir ki, “Krallığı birləşdirin” və “İrqçiliyə qarşı mübarizə” adlı iki etiraz aksiyasında 110-150 min nəfər iştirak edib.

Həmçinin bildirilir ki, videobağlantı vasitəsilə yürüşə qoşulan milyarder İlon Mask Britaniyada parlamentin buraxılması və hökumətin dəyişdirilməsinə çağırıb.