Makronun Parisdə təşkil etdiyi toplantı uğursuz oldu

Parisdə bir sıra ölkə və təşkilat rəhbərlərinin iştirakı ilə Ukrayna ilə bağlı fövqəladə iclasda bəzi məsələlərdə kəskin fikir ayrılığı yaranıb. Liderlər Ukraynaya sülhməramlıların göndərilməsi də daxil olmaqla, gələcək addımlar barədə razılığa gələ bilməyiblər. Bu barədə "Financial Times" (FT) məlumat yayıb.

Avropa dövlət başçılarının bu əsas görüşü zamanı Ukraynaya qoşun yeridilməsi ilə bağlı mübahisə yaranıb. Almaniya, İtaliya, Polşa və İspaniya fevralın 17-də Ukraynaya sülhməramlı qüvvələr göndərmək istəmədiklərini bildiriblər. Bir neçə saat əvvəl Britaniya gələcək sülh sazişinin həyata keçirilməsini təmin etmək üçün Ukrayna torpaqlarına qoşun yerləşdirməyə hazır olduğunu bildirmişdi, görüşlə bağlı məlumatlandırılan rəsmilərə görə, Fransa gələcək təmas xəttində qoşun yerləşdirməyi təklif edib.

Lakin Paris görüşündən sonra Almaniya kansleri Olaf Şolz münaqişənin hələ də davam etdiyini nəzərə alaraq qoşunların yerləşdirilməsi ilə bağlı müzakirələri “son dərəcə yersiz” adlandırıb.

"Belə bir müzakirə tamamilə tezdir və indi bunun üçün səhv vaxtdır". Şolts belə müzakirələri "yanlış zamanda və yanlış mövzuda anlaşılmaz bir mübahisə" adlandırıb.