Mingəçevirdə avarçəkmə üzrə beynəlxalq turnir başlayıb

“Mingəçevir Regatta 2024” turniri “Kür” Olimpiya Təlim-İdman Mərkəzində keçirilir

Oxuma müddəti:

1 dəqiqədən az

Bu gün avarçəkmə üzrə “Mingəçevir Regatta 2024” beynəlxalq turnirinə start verilir.

Yarışda 12 ölkədən 100-dək idmançı iştirak edəcək.

Turnir Mingəçevir “Kür” Olimpiya Təlim-İdman Mərkəzində başlayıb.

Yarışda Azərbaycan nümayəndələrindən başqa, Estoniya, Gürcüstan, İtaliya, Macarıstan, Qazaxıstan, Litva, Moldova, Polşa, Türkiyə, Ukrayna və Özbəkistandan olan avarçəkənlər iştirak edəcək.

Oktyabrın 17-də Füzuli şəhərinin işğaldan azad edilməsi günü ilə əlaqədar Füzulidə, Aşağı Kəndəlançay su anbarında reqatanın rəsmi açılış mərasimi keçiriləcək.

Oktyabrın 18-də isə Mingəçevir “Kür” Olimpiya Təlim-İdman Mərkəzində final yarışları və bağlanış mərasimi keçiriləcək.