Mixail Qusman vəzifəsindən azad olunub

Rusiyanın Baş naziri Mixail Mişustin sərəncam imzalayıb

Oxuma müddəti:

1 dəqiqədən az

Mixail Qusman TASS-ın baş direktorunun birinci müavini vəzifəsindən azad edilib.

Bu barədə Rusiyanın Baş naziri Mixail Mişustin sərəncam imzalayıb. Sərəncamda deyilir:

“Mixail Solomonoviç Qusman “Rusiyanın İnformasiya Teleqraf Agentliyi (İTAR-TASS)” Federal Dövlət Unitar Müəssisəsinin baş direktorunun birinci müavini vəzifəsindən azad edilsin”.

Qeyd edək ki, 1950-ci ildə Bakıdan anadan olan Mixail Qusman 30 ilə yaxın TASS strukturlarında işləyib.

2000-ci ildən "Güc formulu" teleserialının müəllifi və aparıcısı olan Mixail Rusiyanın əməkdar mədəniyyət işçisi (2001) və əməkdar jurnalistidir.

Qusman YUNESKO-nun Rabitə üzrə Beynəlxalq Proqramının Rusiya Komitəsinə rəhbərlik edir, YUNESKO-nun İnformasiya və Kommunikasiya üzrə Hökumətlərarası Şurasının (IPDC) və Rusiyanın YUNESKO üzrə Komissiyasının üzvüdür.