ANSTV
ANSÇM
Narek Karapetyan 1 milyard girov müqabilində buraxılıb
Rusiyalı iş adamı Karapetyanın qardaşı oğlu İrəvanı tərk edə bilməz
1 dəqiqə
Rusiyalı iş adamı Karapetyanın qardaşı oğlu Narek Karapetyan 1 milyard dram (2 352 963 ABŞ dolları) məbləğində girov müqabilində azadlığa buraxılıb və ona tərk etməmək qadağası qoyulub.
Bu barədə "news.am"a Baş Prokurorluqdan məlumat verilib.
Bir gün əvvəl Ermənistan Mərkəzi Seçki Komissiyası Baş Prokurorluğun Narek Karapetyanın toxunulmazlığından məhrum edilməsi və ona qarşı ictimai cinayət təqibi başlatması barədə təqdim etdiyi vəsatəti nəzərdən keçirib.
MSK-nın razılığını aldıqdan sonra prokuror Narek Karapetyana qarşı Ermənistan Cinayət Məcəlləsinin 236-cı maddəsinin 2-ci hissəsi və 296-cı maddəsinin 3-cü hissəsinin 3-cü bəndi ilə ictimai cinayət təqibi başlayıb.
MSK Karapetyanın azadlıqdan məhrum edilməsinə icazə verilməsi barədə vəsatəti müzakirə etməyib. Daha sonra MSK sədri Vaaqn Hovakimyan izah edib ki, Mərkəzi Seçki Komissiyası məsələnin komissiyanın səlahiyyətlərindən kənar olduğu üçün vəsatəti geri qaytarmaq qərarına gəlib.
