Nepal və Çində daşqınlar nəticəsində ölü sayı 804-ə çatıb

19:45

Bazar günü hakimiyyət orqanları və yerli media tərəfindən açıqlanan son rəqəmlərə görə, Nepal və Çinin Tibet bölgəsində baş verən dağıdıcı daşqınlar və torpaq sürüşmələri nəticəsində ölənlərin sayı 804-ə çatıb, təxminən 3300 nəfər itkin düşüb.

Nepalda polis orqanları daşqınlardan zərər çəkmiş ərazilərdən 788 cəsəd tapdıqlarını, yüzlərlə xarici vətəndaş da daxil olmaqla 2742 nəfərin itkin düşdüyünü bildirib. Çin hakimiyyəti Tibetdə 16 ölüm və 546 nəfərin itkin düşdüyünü bildirib.

Yerli mənbələrin verdiyi məlumata görə, itkin düşmüş 2498 nəfər - o cümlədən 933 su elektrik stansiyası layihələrində çalışan işçi, 589 xarici vətəndaş, xarici turistlərlə səyahət edən 127 Nepal vətəndaşı və bir neçə zərərçəkmiş rayondan sakinlərin axtarış-xilasetmə əməliyyatları davam edir,

Təxminən 20.000 təhlükəsizlik işçisi 8186 nəfəri xilas edib, helikoterl isə 279 su elektrik stansiyası işçisi və 227 xarici vətəndaşı təhlükəsiz yerlərə təxliyə edib.

"Nepal News" agentliyinin verdiyi məlumata görə, yardım əməliyyatları davam edir, ərzaq və zəruri ləvazimatlar çatdırılır, tibbi qruplar yerləşdirilir və hökumətin nağd yardımı paylanır.

Çərşənbə günü Çin-Nepal sərhəd bölgəsində qəfil buzlaq çökməsi nəticəsində Himalay vadilərində güclü su və dağıntı axını baş verib, kəndlər dağılıb və əsas infrastruktura ciddi ziyan dəyib. Dağıdıcı hadisələrin miqyası ailələri itkin düşmüş yaxınlarını axtarmağa vadar edib.

Xəstəxana morqları dolub və tapılan qalıqlar çürüməyə başlayıb. Səlahiyyətlilər dəlilləri qorumaq və ölülər üçün yer tapmağa tələsirlər.

ABŞ şənbə günü daşqından zərər çəkən Nepala 3,6 milyon dollardan çox humanitar yardım, o cümlədən 10.000-ə qədər zərər çəkmiş ailəyə təcili ərzaq yardımı göndərib.

Nepal polisinin sözçüsü Abi Narayan Kafle "Katmandu Post" qəzetinə verdiyi açıqlamada cəsədlərin daşqın suları ilə daşındığı məsafənin şəxsiyyəti müəyyən etməyi xüsusilə çətinləşdirdiyini bildirib.

Axtarış-xilasetmə əməliyyatları bölgənin kələ-kötür ərazisi, dik dağları və dar dərələri səbəbindən çətinləşib.

Hakimiyyət orqanları Himalay dağlarında yeni yaranmış və başqa bir daşqın qorxusuna səbəb olmuş gölü də diqqətlə izləyir. Çin rəsmiləri gölün əhəmiyyətli dərəcədə kiçildiyini və suyunu təbii yolla buraxdıqdan sonra "əsasən quruduğunu" və bu da dərhal yeni bir dalğa ilə bağlı narahatlıqları aradan qaldırdığını bildirib.
***

09:37

Nepalda baş verən daşqınlar nəticəsində ölənlərin sayı 734-ə çatıb, 2498 nəfər itkin düşüb. Bu barədə Nepalın fəlakət idarəsi bazar günü bildirib.

Çin dövlət mediası daha əvvəl Tibetdə 16 nəfərin öldüyünü və 546 nəfərin itkin düşdüyünü təsdiqləmişdi. Bu, ümumi ölənlərin sayının 750, itkin düşənlərin sayının isə 3044 nəfər olduğunu göstərir.

Milli Fəlakət Risklərinin Azaldılması və İdarəetmə Orqanının məlumatına görə, siyahıya həmçinin selin keçdiyi çay boyunca su elektrik stansiyaları layihələrində çalışan 933 işçi də daxildir.

Nepalın xarici işlər naziri və BMT-nin iqlim üzrə rəhbəri xilasedicilər Çinlə sərhəddə baş verən leysan daşqınlarından sonra minlərlə itkin düşmüş insanı tapmaq üçün yarışarkən qlobal istiləşmənin Himalay dağlarına artan təhlükəsi barədə xəbərdarlıq ediblər.