ANSTV
ANSÇM
Pakistan və Azərbaycan müdafiə münasibətlərini gücləndirir
Bu barədə "Radio Pakistan" məlumat yayıb
1 dəqiqə
Pakistan və Azərbaycan ikitərəfli müdafiə münasibətlərini daha da gücləndirmək və şaxələndirmək barədə razılığa gəliblər - "Radio Pakistan".
Razılıq Pakistan Hərbi Dəniz Qüvvələrinin Hərbi Dəniz Qərargah rəisi admiral Nəvid Əşrəf və Azərbaycan Hərbi Dəniz Qüvvələrinin baş komandanı kontr-admiral Şahin Məmmədov arasında İslamabadda keçirilən görüşdə əldə edilib.
Görüş zamanı tərəflər qarşılıqlı maraq doğuran məsələləri, regional dəniz təhlükəsizliyi vəziyyətini və təlim və müdafiə sahəsində əməkdaşlığı gücləndirməyin yollarını müzakirə ediblər. Məmmədov həmçinin Pakistan Hərbi Dəniz Qüvvələrinin davam edən layihələri barədə məlumat alıb.
Bakı və İslamabad arasında dəniz sahəsində sıx əməkdaşlıqla xarakterizə olunan uzunmüddətli qardaşlıq münasibətləri mövcuddur.
Xidmətlərarası İctimaiyyətlə Əlaqələr (ISPR) şirkətinin məlumatına görə, Azərbaycan Hərbi Dəniz Qüvvələrinin baş komandanının səfəri iki ölkə və xüsusilə də onların donanmaları arasında ikitərəfli əməkdaşlığı daha da gücləndirəcək.
