Paşinyanın partiyasının reytinqi ən aşağı səviyyəyə düşüb

Paşinyanın partiyasının reytinqi ən aşağı səviyyəyə düşüb

Gələn bazar günü parlament seçkilərinin keçiriləcəyi təqdirdə Ermənistan vətəndaşlarının yalnız 11,3%-i hakim “Mülki Müqaviləsi” partiyasına səs verməyə hazırdır.

Bu barədə Gallup Beynəlxalq Assosiasiyasının nümayəndəliyinin rəhbəri Aram Navasardyan mətbuat konfransında bildirib.

“Bu, 2018-ci ildən bəri ən aşağı göstəricidir”, o qeyd edib.

Reytinqdə baş nazir Nikol Paşinyanın partiyasından sonra ikinci yerdə bədnam videobloqer Vardan Qukasyanın (“İt”) yaratdığı MLC partiyası qərarlaşıb, respondentlərin 6,8%-i MLC-yə səs verməyə hazırdır. İlk üçlüyü 6,5% reytinqlə ikinci prezident Robert Köçəryanın “Hayastan” bloku qapayır.

Bundan başqa,

Vətəndaşların 58,5%-i hesab edir ki, Ermənistan yanlış istiqamətdə gedir.

Ermənistandakı Gallup Beynəlxalq Assosiasiyası vətəndaşlar arasında sorğu keçirərək Ermənistanın bütövlükdə doğru və ya yanlış istiqamətdə hərəkət etdiyini soruşub.

Sorğunun nəticələri aşağıdakı kimidir:

- düzgün istiqamətdə - 9,5%
- doğru istiqamətdə - 14,7%
- daha çox yanlış istiqamətdə - 19,7%
- yanlış istiqamətdə - 38,8%
- cavab verməkdə çətinlik çəkirəm - 17,2%

Bu, yanvarın 20-22-də 1,1 min vətəndaş arasında keçirilən sorğunun nəticələrinə əsasən məlum olub.