ANS Press

ANS Press

Oct 2, 2024 - 12:02 Yeniləndi: Oct 2, 2024 - 12:11

XƏBƏRLƏR / Qonşular

Pezeşkianın İsrailə zərbə endirməsindən xəbəri olmayıb?

Bu barədə "New York Times" qəzeti yazır

Pezeşkianın İsrailə zərbə endirməsindən xəbəri olmayıb?

  • Oxuma müddəti:

    1 dəqiqə

    • İran Prezidenti Məsud Pezeşkiana İslam Respublikasının oktyabrın 1-də axşam saatlarında İsrailə raket zərbələri endirməsi ilə bağlı məlumat verilmədiyi iddia edilir. Bu barədə "New York Times"ın köşə yazarı Tomas Fridman mənbələrə istinadən məlumat verib.

    Qəzetin məlumatına görə, raket hücumunu İran Hərbi Hava Qüvvələri deyil, İslam İnqilabı Keşikçiləri Korpusunun Hərbi Hava Qüvvələri (SEPAH) təşkil edib. Eyni zamanda, mənbələr iddia edirlər ki, Pezeşkiana “hücum başlamazdan əvvəl məlumat verilməyib”. Müşahidəçinin fikrincə, bu, İran rəhbərliyində əməliyyatla bağlı fikir ayrılıqlarından xəbər verə bilər.

    Bundan əvvəl Pezeşkian İsrailə raket hücumunu yəhudi dövlətinin təcavüzkar hərəkətlərindən milli maraqların müdafiəsi adlandırıb.

    İsrail Baş Qərargahı "zamanı seçəcəyini" və hücuma cavab verməklə təəccübləndirəcəyini vəd edib və İranın ali lideri Ayətullah Əli Xamenei ivrit dilində İsrailə hücumların daha da genişlənəcəyi barədə xəbərdarlıq edib.