Premyer Liqa: Bu gün daha iki oyun baş tutub

20:30

Futbol üzrə Misli Premyer Liqasında XVIII turun daha bir oyunu keçirilib.

Səbail” “ASCO Arena”da “Zirə”ni qəbul edib. Matç qonaqların 1:0 hesablı qələbəsi ilə nəticələnib.

Hazırda “qartallar” 30 xalla 4-cü, “dənizçilər” isə 9 xalla sonuncu – 10-cudur.

Günün ilk oyununda “Turan Tovuz” doğma meydanda “Neftçi” ilə heç-heçə edib - 1:1.

Qeyd edək ki, turun açılış oyununda “Kəpəz” və “Sumqayıt” komandaları qolsuz heç-heçəyə razılaşıb. İlin son turuna dekabrın 22-də keçiriləcək “Şamaxı” - “Sabah” və “Qarabağ” - “Araz-Naxçıvan” oyunları ilə yekun vurulacaq.

***

17:55

Futbol üzrə Misli Premyer Liqasında XVIII turun daha bir oyunu keçirilib.

“Turan Tovuz” doğma meydanda “Neftçi”ni qəbul edib. Görüş 1:1 hesablı heç-heçə ilə yekunlaşıb.

Hesabı 45-ci dəqiqədə qonaqların yarımmüdafiəçisi Filip Ozobiç açıb. Meydan sahiblərinin qolunu isə 54-cü dəqiqədə Aleks Souza vurub.

Bu nəticədən sonra xallarını 32-yə çatdıran Qərb təmsilçisi 3-cü, aktivinə 17-ci xalı əlavə edən Bakı klubu isə 7-ci sırada qərarlaşıb.

Günün son matçında “Səbail” “ASCO Arena”da “Zirə”ni qəbul edəcək. Saat 18:30-da start götürəcək oyunun baş hakimi FIFA referisi Elçin Məsiyev olacaq. Hazırda “qartallar” 27 xalla 4-cü, “dənizçilər” isə 9 xalla sonuncu – 10-cudur.

Qeyd edək ki, turun açılış oyununda “Kəpəz” və “Sumqayıt” komandaları qolsuz heç-heçəyə razılaşıblar. İlin son turuna dekabrın 22-də keçiriləcək “Şamaxı” - “Sabah” və “Qarabağ” - “Araz-Naxçıvan” oyunları ilə yekun vurulacaq.

***

09:54

Misli Premyer Liqasının XVIII turunda bu gün daha iki oyun baş tutacaq.

Əvvəlcə “Turan Tovuz” komandası doğma meydanda “Neftçi” ilə üz-üzə gələcək.

Tovuz şəhər stadionunda keçiriləcək görüş saat 16:00-da başlayacaq. Hazırda Tovuz klubu turnir cədvəlində 31 xalla üçüncü pillədə qərarlaşıb. Paytaxt təmsilçisi isə 16 xalla yeddincidir.

Günün son qarşılaşması “ASCO Arena”da “Səbail” və “Zirə” arasında keçiriləcək. Elçin Məsiyevin idarə edəcəyi görüşün start fiti saat 18:30-da səsləndiriləcək.

“Zirə” komandası turnir cədvəlində 27 xalla dördüncü yerdədir. Sonuncu - onuncu yerdə olan “Səbail”in isə 9 xalı var.

Misli Premyer Liqası

II dövrə, XVIII tur

21 dekabr

16:00. “Turan Tovuz” – “Neftçi”

Hakimlər: İnqilab Məmmədov, Namik Hüseynov, Rahil Ramazanov, Kamran Əliyev.

VAR: Rauf Allahverdiyev.

AVAR: Eyyub İbrahimov.

Hakim-inspektor: Ramil Diniyev.

AFFA nümayəndəsi: İlham Əliyev.

Tovuz şəhər stadionu

18:30. “Səbail” – “Zirə”

Hakimlər: Elçin Məsiyev, Elşad Abdullayev, Pərvin Talıbov, Elvin Bayramov.

VAR: Əliyar Ağayev.

AVAR: Zeynal Zeynalov.

Hakim-inspektor: Ömər Paşayev.

AFFA nümayəndəsi: Rüfət Əmirov.

“ASCO Arena”

Qeyd edək ki, turun dünən keçirilən “Kəpəz” - “Sumqayıt” görüşündə qol vurulmayıb. XVIII tura sabah, “Şamaxı” - “Sabah” və “Qarabağ” - “Araz-Naxçıvan” oyunları ilə yekun vurulacaq.