ANS Press

ANS Press

Jan 7, 2024 - 12:20 Yeniləndi: Jan 7, 2024 - 12:55

XƏBƏRLƏR / Seçki

Prezident seçkilərində təşviqat materialları üçün yerlər

Qeyd edək ki, 7 fevral 2024-cü ildə növbədənkənar seçkilər keçiriləcək

Prezident seçkilərində təşviqat materialları üçün yerlər

  • Oxuma müddəti:

    1 dəqiqə

    • Növbədənkənar prezident seçkilərində seçki məntəqələrinin ərazisində seçkiqabağı təşviqat materiallarının lövhələrdə yerləşdirilməsi üçün müvafiq yerlərin müəyyənləşdirilməsi üçün ayrılan müddət başa çatıb.

    Seçki Məcəlləsinin 87.6-cı maddəsinə əsasən, dairə seçki komissiyasının təklifi ilə yerli icra hakimiyyəti orqanı və bələdiyyə qurumları səsvermə gününə azı 30 gün qalanadək seçki məntəqələrinin ərazisində seçkiqabağı təşviqat materiallarının lövhələrdə yerləşdirilməsi üçün müvafiq yerlərin müəyyənləşdirilməsini təmin etməlidir.

    Növbədənkənar prezident seçkiləri ilə əlaqədar bu müddət 2024-cü il yanvarın 8-dək olan dövrü əhatə edib və artıq təşviqat materialları üçün yerlər müəyyənləşdirilib.

    Qeyd edək ki, 7 fevral 2024-cü ildə növbədənkənar seçkilər keçiriləcək.