ANSTV
ANSÇM
Qarabağ erməniləri ilə görüş Yevlaxda ola bilər?
Qarabağ ermənilərinin bəzi nümayəndələri bu görüşü sabotaj etməyə çalışırlar
1 dəqiqə
Caliber.az saytının əldə etdiyi məlumata görə, hazırda Yevlaxda rəsmi Bakının nümayəndələri ilə Azərbaycanın Qarabağ bölgəsində sıx məskunlaşan erməni etnik azlıq nümayəndələri arasında görüşün təşkili üzərində iş gedir.
Bu görüş heç bir üçüncü ölkənin təklifi ilə baş verməyəcək, xarici dövlətlərin nümayəndələrinin iştirakı olmadan eksklüziv olaraq mərkəzi hakimiyyət nümayəndələri ilə erməni etnik azlığı arasında baş tutacaq dialoqla bağlı Bakının məlum təklifinin məntiqinə uyğundur.
Təəssüf ki, erməni mətbuatına sızan bəzi məlumatlara görə, indi Qarabağ ermənilərinin bəzi nümayəndələri bu görüşü sabotaj etməyə çalışırlar. Bu, son dərəcə dağıdıcı mövqedir, çünki regiondakı problemlər yalnız Qarabağ erməniləri ilə onların Bakıdakı mərkəzi hökuməti arasında birbaşa dialoq çərçivəsində həll edilə bilər.
Lakin qeyd edək ki, bu məlumat rəsmi təsdiqini tapmayıb.
