ANS Press

ANS Press

Oct 10, 2024 - 10:06

XƏBƏRLƏR

"Qarabağ" klubu dünya reytinqində 8 pillə geriləyib

Ölkənin digər təmsilçisi "Zirə" isə 10 mövqe irəliləyib

"Qarabağ" klubu dünya reytinqində 8 pillə geriləyib

  • Oxuma müddəti:

    1 dəqiqədən az

    • "Qarabağ" dünya klublarının reytinq siyasında 8 pillə geriləyib.

    Bu barədə Beynəlxalq Futbol Tarixi və Statistikaları Federasiyası (IFFHS) rəsmi saytında məlumat yayıb.

    Azərbaycan çempionu 174,75 xalla 60-cı sırada qərarlaşıb. Ölkənin digər təmsilçilərindən "Zirə" (95,75 xal) 10 mövqe irəliləyərək 201-ci olub. 17 pillə artıran "Sabah" isə 411-cidir.

    503 klubun olduğu siyahıda "Neftçi" yer almayıb.

    Qeyd edək ki, İspaniyanın "Real" komandası (420 xal) liderdir. İngiltərənin "Mançester Siti" klubu (364 xal) ikinci, Almaniya təmsilçisi "Bayer 04" (362 xal) üçüncüdür.