“Qarabağ”ın Çempionlar Liqasındakı rəqibi məlum oldu

Nyon şəhərində UEFA Çempionlar Liqasının 2-ci təsnifat mərhələsinin püşkatma mərasimi keçirilib

Oxuma müddəti:

1 dəqiqədən az

İsveçrənin Nyon şəhərindəki Futbol Evində UEFA Çempionlar Liqasının 2-ci təsnifat mərhələsinin püşkatma mərasimi keçirilib.

Azərbaycanın “Qarabağ” klubunun rəqibləri məlum olub.

Qurban Qurbanovun komandası “Hamrun Spartans” (Malta) – “Linkoln” (Cəbəllütariq) cütünün qalibi ilə qarşılaşacaq. Malta və Cəbəllütariq çempionları iyulun 9-10 və 16-17-də üz-üzə gələcək.

2-ci turun oyunları 23/24 və 30/31 iyul tarixlərində keçiriləcək. Ağdam klubu ilk oyunu səfərdə keçirəcək.

“Qarabağ” klubu 3-cü qrupda yer alıb. Qrupda ağdamlılardan başqa

- İsrailin Maccabi Tel Aviv FC komandası,
- Slovakiyanın ŠK Slovan Bratislava və Makedoniyanın FC Struga klublarının qarşıdurmasının qalibi,
- Litvanın FK Panevėžys və Finlandiyanın HJK Helsinki klubları görüşünün qalibi yer alacaqlar.