Qırğızıstanda parlament seçkilərində səsvermə başa çatıb

19:42

Qırğızıstanda Joqorku Keneşə (birpalatalı parlament) keçirilən növbədənkənar seçkilərdə səsvermə başa çatıb.

Bunu respublikanın Mərkəzi Seçki Komissiyasının sədri Tınçtık Şaynazarov bildirib.

Mərkəzi Seçki Komissiyasının məlumatına görə, seçicilərin yekun siyahısına 4 294 243 vətəndaş daxil edilib.

***
16:50

Qırğızıstanda və onun xaricində Joqorku Keneşin (birpalatalı parlament) deputatlarının növbədənkənar seçkiləri keçirilir.

“kabar.kg” xəbər verir ki, Seçkilər və Referendumlar üzrə Mərkəzi Komissiyasının məlumatına görə, yerli vaxtla saat 17:00-a olan məlumata görə, seçicilərin 27,89%-i və ya 1 197 568 nəfər səs verib.

Xatırladaq ki, 30 çoxmandatlı seçki dairəsində növbədənkənar parlament seçkilərində ümumilikdə 460 namizəd iştirak edir.

Seçicilərin son siyahısına 4 294 243 vətəndaş daxildir.

***

10:36

Qırğızıstanda növbədənkənar parlament seçkilərində səsvermə bu gün yerli vaxtla səhər saat 8:00-da başlayıb. Ölkə daxilində və xaricdə ümumilikdə 2513 seçki məntəqəsi açıqdır. 4.294.243 qırğızıstanlı səs vermək hüququna malikdir.

Seçkilər yeni sistem üzrə keçiriləcək. Ölkə üzrə 30 seçki dairəsində 90 deputat seçiləcək - hər dairədən üç nəfər. Yalnız bir cinsin nümayəndəsi seçilə bilməz. Cəmi 460 namizəd iştirak edir. Ölkə daxilində səsvermə saat 20:00-da başa çatacaq, xaricdəki seçki məntəqələri isə açıq qalacaq.