"Qızıl Xaç" və SM-ın maşınları Laçın yolundan keçdi

Maşınların içində erməni əsilli şəxslər olub

Oxuma müddəti:

1 dəqiqə

10:35

Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının qanunsuz istismarına etiraz olaraq aksiyanın keçirildiyi Laçın-Xankəndi yolundan Rusiya sülhməramlı kontingentinə (RSK) məxsus avtomobillərin sərbəst keçidi davam edir. Hazırda aksiya yerindən Xankəndindən Laçın istiqamətinə 4 yük avtomobili keçid edib.

***

Bu gün Şuşadan keçən Laçın-Xankəndi yolunda Beynəlxalq Qızıl Xaç Komitəsinə (BQXK) məxsus avtomobillərin növbəti dəfə hərəkət etməsinə şərait yaradılıb. Səhər saatlarında Xankəndindən Laçın istiqamətində gedən BQXK-nın 5 minik avtomobili və 1 yük avtomobili keçib. Aksiya iştirakçıları onların keçidinə şərait yaradıb. BQXK-nın maşınlarının içində xəstəliklə əlaqədar erməni əsilli şəxslər Xankəndindən Ermənistan ərazisinə aparılıb.

Bu, bir daha göstərir ki, humanitar məqsədli maşınların keçidi üçün heç bir məhdudiyyət yoxdur.