Rusiya və İranın TŞ katibləri telefonla danışıblar

Şoyqu və Laricani xarici qüvvələrin ölkənin daxili işlərinə müdaxilə etməsini pisləyiblər

Oxuma müddəti:

1 dəqiqə

Rusiya Təhlükəsizlik Şurasının katibi Sergey Şoyqu İran İslam Respublikası Ali Milli Təhlükəsizlik Şurasının katibi Əli Laricani ilə telefon danışığı aparıb. Şoyqu çoxsaylı itkilərlə bağlı başsağlığı verib.

Rusiya Təhlükəsizlik Şurasının katibi Sergey Şoyqu İran Ali Milli Təhlükəsizlik Şurasının katibi Əli Laricani ilə söhbətində xarici qüvvələrin ölkənin daxili işlərinə müdaxilə etmək cəhdini pisləyib və çoxsaylı itkilərlə bağlı başsağlığı verib.

Bu barədə Rusiya Təhlükəsizlik Şurasının mətbuat xidmətinin açıqlamasında bildirilib.

Rusiya Təhlükəsizlik Şurasının katibi xarici qüvvələrin İranın daxili işlərinə müdaxilə etmək cəhdini qətiyyətlə pisləyib.

Şoyqu həmçinin Rusiya Federasiyası ilə İran İslam Respublikası arasında 17 yanvar 2025-ci ildə imzalanmış Hərtərəfli Strateji Tərəfdaşlıq Sazişi əsasında ikitərəfli əməkdaşlığı inkişaf etdirməyə hazır olduğunu bildirib.

Tərəflər mövqelərini əlaqələndirmək üçün əlaqələri davam etdirmək barədə razılığa gəliblər.