Rusiyada "saxta xəbərlərə görə" 300 sayt bloklanıb

Bu barədə TASS xəbər yayıb

Oxuma müddəti:

1 dəqiqədən az

Rusiyada 2023-cü ildə prokurorlar ordu haqqında saxta xəbərlər yaymaqda ittiham olunan 70 nəfərə qarşı cinayət işlərini məhkəmələrə göndəriblər.

Bu barədə TASS-a Rusiya Baş Prokurorluğunun mətbuat xidməti məlumat verib.

Bu, Rusiya Federasiyası Cinayət Məcəlləsinin 207.3-cü maddəsi üzrədir. Ümumilikdə 135 belə “cinayət” qeydə alınıb. 79 cinayət işi məhkəmələrə göndərilib.

Baş Prokurorluğun tələbi ilə son bir il ərzində "Roskomnadzor" ordu və dövlət qurumları haqqında saxta məlumatlar olan təxminən 300 saytı bloklayıb.

Baş Prokurorluq hesab edir ki, saxta nəşrlərin mövzuları müxtəlif deyil. Məlumata görə, bu cür nəşrlər əsasən Ukraynadakı əməliyyatlardan, ölkədəki iqtisadi vəziyyətdən, eləcə də hökumət orqanlarının qərarlarından bəhs edir.