Sabah Tehranda "3+3" formatında görüş keçiriləcək YENİLƏNİB
Azərbaycan, Türkiyə, Rusiya, İran, Ermənistanın xarici işlər nazirləri bir araya gələcək
![Sabah Tehranda "3+3" formatında görüş keçiriləcək YENİLƏNİB](/uploads/images/2023/10/rs/image_750x_6532744f9193f-750-1080-resize.webp)
Gürcüstan xarici işlər orqanları rəhbərlərinin oktyabrın 23-də Tehranda keçirilməsi planlaşdırılan “3+3” formatında keçiriləcək iclasında təmsil olunmayacaq. Bu barədə Gürcüstanın İnterpressnews agentliyi Gürcüstan Xarici İşlər Nazirliyinin mətbuat xidmətinə istinadən xəbər verir.
"Gürcüstan bu görüşdə iştirak etmir və heç vaxt da iştirak etməyib", - mətbuat xidmətinin bəyanatında deyilir.
***
Sabah Tehranda xarici işlər nazirlərinin “3+3” formatında görüşü keçiriləcək. Bu barədə Azərbaycan Xarici İşlər Nazirliyinin mətbuat katibi Ayxan Hacızadə məlumat verib.
“Sabah Tehranda “3+3” formatında görüşün keçirilməsi planlaşdırılır. Təfərrüatlar hələlik məlum deyil. Tezliklə əlavə məlumat veriləcək”, - Hacızadə bildirib.
***
Ermənistanın xarici işlər naziri Ararat Mirzoyan Rusiya, İran, Türkiyə və Azərbaycan xarici işlər nazirlərinin iştirakı ilə Tehranda keçiriləcək “3+3” platformasının sabahkı iclasında iştirak edəcək, Ermənistan Xarici İşlər Nazirliyinin mətbuat xidməti xəbər verir.
***
İRNA xəbər verir ki, sabah Tehranda XİN başçıları səviyyəsində "3+3" formatında görüş keçiriləcək.
Oktyabrın 23-də Tehranda "3+3" formatında (Azərbaycan, Türkiyə, Rusiya, İran, Ermənistan, Gürcüstan) xarici işlər nazirləri səviyyəsində görüş keçiriləcək.
Rusiya Xarici İşlər Nazirliyinin sözçüsü Mariya Zaxarova bildirib ki, Moskva Sergey Lavrovun oktyabrın 23-də Tehranda planlaşdırılan danışıqlarını təsdiqləyir.
Görüşdə regional məsələlərlə yanaşı, Azərbaycan-Ermənistan arasında sülh danışıqları da müzakirə mövzusu olacaq.