Şahin Mustafayev İran səfirini qəbul edib

İki ölkə arasında əməkdaşlıq məsələləri, o cümlədən birgə enerji və nəqliyyat layihələri müzakirə edilib

Oxuma müddəti:

1 dəqiqədən az

Şahin Mustafayev İran səfirini qəbul edib.

Bu barədə İran səfirliyi məlumat yayıb.

Azərbaycan Respublikasının Baş nazirinin müavini - Birgə Hökumətlərarası Komissiyasının həmsədri Şahin Mustafayev İran İslam Respublikasının Azərbaycan Respublikasındakı səfiri Seyid Abbas Musəvini qəbul edib.

Qəbulda noyabrın 9-da Daşkənddə Azərbaycan Prezidenti İlham Əliyev və İran Prezidenti Seyid İbrahim Rəisi arasında baş tutan görüş zamanı müzakirə edilən ikitərəfli münasibətlərin gündəliyində olan məsələlərə nəzər salınıb.

Eyni zamanda, iki ölkə arasında əməkdaşlıq məsələləri, o cümlədən birgə enerji və nəqliyyat layihələri müzakirə edilib.