ANSTV
ANSÇM
Bir həftə əvvəl kanalda batan yeniyetmənin meyiti tapılıb
FHN xəbər verir YENİLƏNİB
1 dəqiqə
21:01
Samur-Abşeron kanalında batan 16 yaşlı yeniyetmənin meyiti tapılaraq aidiyyəti üzrə təhvil verilib.
Fövqəladə Hallar Nazirliyindən (FHN) verilən məlumata görə, iyulun 12-də kanalın Quba rayonunun Vəlvələ kəndindən keçən hissəsində batan 2010-cu il yüksək Osmanov Fərid Paşa oğlunun axtarışları başa çatıb.
Onun meyiti FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları təxminən 15 kilometr aralıda – Samur-Abşeron kanalının Şabran rayonunun Gəncə kəndindən keçən hissəsində tapılaraq sudan çıxarılıb.
***
12 iyul 2026-cı il
17:51
Fövqəladə Hallar Nazirliyinin "112" qaynar telefon xəttinə Samur-Abşeron kanalının Quba rayonu, Vəlvələ kəndindən keçən hissəsində 1 nəfərin batması barədə məlumat daxil olub.
Nazirlikdən verilən məlumata görə, dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.
Hazırda vətəndaş - 2010-cu il təvəllüdlü Osmanov Fərid Paşa oğlunun batdığı ehtimal edilən istiqamətlərdə axtarışlar həyata keçirilir. Əlavə məlumat veriləcək.
