ANS Press

ANS Press

Oct 9, 2024 - 15:23 Yeniləndi: Oct 9, 2024 - 15:36

XƏBƏRLƏR / Hadisə

THY-na məxsus təyyarənin kapitanı uçuş zamanı öldü FOTO

Məlumatı “TRT Haber” yayıb

THY-na məxsus təyyarənin kapitanı uçuş zamanı öldü FOTO

  • Oxuma müddəti:

    1 dəqiqə

    • Türk Hava Yolları təyyarənin Sietl-İstanbul uçuşu zamanı kapitan pilot ölüb.

    Məlumatı “TRT Haber” yayıb.

    Türk Hava Yollarının açıqlamasında bildirilib ki, Sietl-İstanbul TK204 reysini həyata keçirən, qeydiyyatı TC-LGR olan "Airbus 350" tipli təyyarənin kapitan pilotu İlçehin Pehlivan uçuş zamanı huşunu itirib.

    Təyyarədə kapitan pilota edilən müdaxilə nəticəsiz qaldıqdan sonra heyət təcili eniş etmək qərarına gəlib, lakin kapitan təyyarə eniş etmədən vəfat edib.

    Məlumata görə, uçuşdan öncə sağlamlıq müayinəsi zamanı onda heç bir problem aşkarlanmayıb. Açıqlamada 59 yaşlı İlçehin Pehlivanın 2024-cü il martın 8-də Mülki Aviasiya Baş İdarəsi tərəfindən icazə verilən Aviasiya Tibb Mərkəzində dövri sağlamlıq müayinəsindən keçdiyi və vəzifələrini yerinə yetirməkdə ona mane olacaq sağlamlıq probleminin aşkar edilmədiyi də vurğulanıb.

    Açıqlamada təyyarənin Nyu-Yorka eniş qərarı verildiyi, sərnişinlərin Nyu-York stansiyası vasitəsilə evlərinə dönmələrinin planlaşdırıldığı bildirilib.