SEPAH-ın rəisi Məhəmməd Pakpurun öldürüldüyü deyilir

Bu barədə İsrail mətbuatı xəbər yayıb YENİLƏNİB

Oxuma müddəti:

1 dəqiqə

16:45

İsrailin İrana hücumları həmçinin İranın Baş Qərargah rəisi Musəvi, Ali Rəhbərin müşaviri Şamxani və Milli Təhlükəsizlik Şurasının katibi Laricaniyə də zərbələr endirib.

Hücumda yüksək vəzifəli İran rəsmilərinin xəsarət alıb-almadığı hazırda məlum deyil.

"Axios" bundan əvvəll İsrail ordusunun Ali Rəhbər Xamenei və Prezident Pezeşkian da daxil olmaqla, İranın yüksək vəzifəli komandirlərini və siyasi liderlərini hədəf aldığını bildirmişdi.

***

15:55

İslam İnqilabı Keşikçiləri Korpusunun (SEPAH) rəisi Məhəmməd Pakpurun öldürüldüyü güman edilir.

“Ynet” ə istinadən xəbər verir ki, İsrail Pakpurun öldürüldüyü qənaətindədir.

İran məlumatı təsdiq etməyib.

Qeyd edək ki, Pakpurun sələfi Hüseyn Salami ötən ilin iyununda 12 günlük müharibədə öldürülüb.