ANS Press

ANS Press

Sep 30, 2024 - 17:05

XƏBƏRLƏR / Həyat Tərzi

Şahzadə Harri bu gün Londona gəlir

Şahzadə Harri və onun həyat yoldaşı Meqan Markl könüllü olaraq Kral ailəsinin üzvü statusundan imtina ediblər

Şahzadə Harri bu gün Londona gəlir
Şahzadə Harri

  • Oxuma müddəti:

    1 dəqiqə

    • Şahzadə Harri bu gün “WellChild” mükafatlarının təqdim olunması mərasimində iştirak etmək üçün Londona gəlir..

    40 yaşlı şahzadə mərasimdə qısa çıxış edəcək. Bu tədbir Böyük Britaniyada ciddi xəstəliklərdən əziyyət çəkən uşaqların və onların baxıcılarının uğurlarını qeyd edir.

    Şahzadə Harrinin Londona səfəri zamanı atası Kral III Çarlzla görüşüb-görüşməyəcəyi hələ dəqiq bilinmir. Sonuncu dəfə onların fevral ayında, Kralın xərçəng diaqnozu xəbərləri fonunda qısa – cəmi 45 dəqiqəlik bir görüşü olmuşdu.

    Qeyd edək ki, Şahzadə Harri və onun həyat yoldaşı Meqan Markl “sarı mətbuat”ın artan və çox vaxt qərəzli ittihamlarından yayınmaq üçün 2020-ci il martın 31-də könüllü olaraq Kral ailəsinin üzvü statusundan imtina ediblər. Onlar hazırda ABŞ-da yaşayırlar.