Sudanda toqquşmalarda ölənlərin sayı 460-a çatıb

Bu barədə Sudan Səhiyyə Nazirliyi məlumat yayıb

Oxuma müddəti:

1 dəqiqədən az

Sudanda ordu ilə Xüsusi Təyinatlı Qüvvələr arasında toqquşmalar nəticəsində həlak olanların sayı xeyli artıb.

Sudan Səhiyyə Nazirliyinin məlumatına görə, aprelin 15-də başlayan və 11 ştatda baş verən qarşıdurmalarda indiyədək 460 nəfərin həyatını itirib, 4063 nəfər yaralanıb.

Açıqlamada, bütün ştatlarda münaqişələrin yaralanma, ölüm və digər təsirlərini izləmək üçün araşdırmaların aparıldığı, son iki gündə yaralanan və ölənlərin sayının azaldığı bildirilir.