ANS Press

ANS Press

Jan 24, 2024 - 14:55 Yeniləndi: Jan 24, 2024 - 15:20

XƏBƏRLƏR / Elm və Texnologiya

“Apple”dan sürücüyə yardım funksiyalı elektromobil

“Apple” kompaniyası elektrik avtomobilini 2026-cı ildə “Afeela” markası altında bazara çıxarmaq istəyir

“Apple”dan sürücüyə yardım funksiyalı elektromobil

  • Oxuma müddəti:

    1 dəqiqə

    • “Apple” kompaniyası “Sony” və “Honda” ilə birlikdə hazırladığı elektrik avtomobilini 2026-cı ildə “Afeela” markası altında bazara çıxarmaq istəyir.

    "Bloomberg" agentliyi xəbər verir ki, “Apple” öz elektromobilində pilotsuz idarəetmə əvəzinə, sürücüyə yardım funksiyaları ilə kifayətlənmək istəyir. Strategiyadakı dəyişiklik direktorlar şurasının “Apple” rəhbəri Tim Kuk və layihə meneceri Kevin Linç ilə görüşündən sonra qərara alınıb.

    Kompaniya uzun illərdir sürücü texnologiyası, həmçinin daxili və xarici dizayn üzərində işlər aparır. “Apple” artıq Avropadakı potensial tərəfdaşları ilə yeni yanaşmanı müzakirə edib.

    Sürücüyə yardımı texnologiyası zolağı tanımaq, öndəki avtomobillə ara məsafəsi saxlamaq və ötmə manevrlərini həyata keçirmək kimi funksiyalara malik olacaq. “Apple” elektromobili bu xüsusiyyətinə görə, “Tesla” və digər istehsalçıların avtomobillərinə daha çox bənzəyəcək. Kompaniya sonradan elektrokarın imkanlarını təkmilləşdirməyi planlaşdırır.