ANS Press

ANS Press

Nov 15, 2023 - 09:43

XƏBƏRLƏR / Qayıdış

Şuşada 20-yə yaxın bina istilik ilə təmin edilir

Şuşa şəhərində yeddi qazanxana tam hazır vəziyyətə gətirilib

Şuşada 20-yə yaxın bina istilik ilə təmin edilir

  • Oxuma müddəti:

    1 dəqiqədən az

    • Cari ilin 1 noyabr tarixindən etibarən Şuşa şəhərində ümumilikdə 20-yə yaxın inzibati və sosial təyinatlı bina istilik və isti su ilə təmin edilir.

    "Azəristiliktəchizat" ASC-dən verilən məlumata görə, Şuşa şəhərində Cəmiyyətə məxsus gücü 8 110 kVt/saat olan yeddi qazanxana tam hazır vəziyyətə gətirilib.

    Qeyd olunur ki, Azərbaycan Respublikası Nazirlər Kabinetinin 2022-ci il 21 iyun tarixli sərəncamına ilə təsdiq edilmiş "Azərbaycan Respublikasının işğaldan azad edilmiş ərazilərində 2022-2026-cı illərdə yaşıl enerji zonasının yaradılması üzrə Tədbirlər Planı"na əsasən "Azəristiliktəchizat" ASC-ə tapşırılmış "Optimal istilik və isti su təchizatı sistemlərinin seçilməsi və müvafiq infrastrukturun qurulması ilə bağı təkliflərin hazırlanaraq təqdim edilməsi" ilə bağlı zəruri işlər aparılır.