Tanınmış baletmeyster Rəfiqə Axundova vəfat edib
Xalq artistinin İkinci Fəxri Xiyabanda dəfn ediləcəyi bildirilir
![Tanınmış baletmeyster Rəfiqə Axundova vəfat edib](/uploads/images/2024/02/rs/image_750x_65c1d73373c29-750-1080-resize.webp)
Tanınmış baletmeyster, Xalq artisti Rəfiqə Axundova vəfat edib.
O, 92 yaşında dünyasını dəyişib.
Xalq artistinin İkinci Fəxri Xiyabanda dəfn ediləcəyi bildirilir.
Rəfiqə Axundova 1951-ci ildə Bakı Xoreoqrafiya Məktəbini bitirib. Azərbaycan Opera və Balet Teatrının solisti olub (1951–1971). 1971-ci ildən həmin teatrın baletmeysteri, 1990-cı ildən baş baletmeysteri kimi çalışıb.
O, bir sıra balet əsərlərinə quruluşunu verərək tamaşaya hazırlayıb. Əlcəzair, İsveç, Misir və Belçikada pedaqoq-baletmeyster işləyib.
Rəfiqə Axundova baletmeyster Maqsud Məmmədovun həyat yoldaşıdır.
Allah rəhmət eləsin.