ANSTV
ANSÇM
Tayson və Paulun döyüşü təxirə salınıb
Tayson bir neçə həftə ərzində fiziki fəaliyyətdən uzaq durmalıdır
1 dəqiqə
Keçmiş dünya çempionu, amerikalı Mayk Taysonla həmyerlisi, bloger Ceyk Pol arasında keçiriləcək boks görüşü təxirə salınıb.
Bu barədə döyüşün təşkilatçısı olan “Most Valuable Promotions”un mətbuat xidməti məlumat yayıb.
Döyüş iyulun 20-də Vaşinqtonda baş tutmalı idi.
"Təəssüf ki, Pol və Tayson arasında çox gözlənilən döyüş təxirə salınacaq. Həkimlərlə məsləhətləşmədən sonra Taysona bir neçə həftə ərzində minimal fiziki fəaliyyət tövsiyə olunub, bundan sonra tam məşqlərə qayıtmaq mümkün olacaq. Mayk və Ceyk belə qənaətə gəliblər ki, hər iki idmançının döyüşə yaxşı formada hazırlaşması üçün bərabər şərait lazımdır”, - deyə məlumatda bildirilir.
Qeyd olunub ki, döyüşün yeni tarixi iyunun 7-də açıqlanacaq. Döyüşün 2024-cü ilin sonunda baş tutması planlaşdırılır.
