Tələs, Paşinyan, tələs...

İran Ermənistandakı maraqlarını ortaya qoyur və Ermənistanda Rusiyanı sıxışdırdıqdan sonra artıq boşluğu doldurmaq üçün addımlar atıb...

Ermənistanın baş naziri boşluğu Qərblə doldurmağa çalışır: Aİ missiyası, ABŞ və Fransa ilə hərbi əməkdaşlıq. Artıq bu istiqamətdə institusional qərarlar qəbul edilib - ABŞ-dan Ermənistan Müdafiə Nazirliyinin müşaviri, Aİ missiyasının diplomatik statusu, Fransa hərbi attaşesinin ştatının artırılması.

Yəni ABŞ və Aİ-də kimin hakimiyyətdə olmasından asılı olmayaraq, artıq institusional qərarlar verilib və onlar fəaliyyət göstərir!

Əgər Bayden dövründə İran ABŞ-la qarşılıqlı əlaqədə idisə və Ermənistan mövzusu konstruktiv mövzular qovluğunda idisə, Trampın dövründə bu, tamam başqa hekayədir.

Bu bəyanatdan sonra əminliklə deyə bilərik ki, Rusiyanın öz sərhədçilərini Meğri keçid məntəqəsindən çıxarmaq qərarı Paşinyanın təşəbbüsünün həyata keçirilməsindən daha çox İranın tələbidir.

Bu isə İranın Ermənistana sərbəst şəkildə qoşun yeritməsi üçün lazımdır! Gələn ilin əvvəlində biz İranın Ermənistanla hərbi ittifaq bağlamaqda israrlı olacağını gözləyirik.

Və bütün bunlar Trampın prezidentliyi ərəfəsində...

Görünür, bütün bu hallar Paşinyanı Azərbaycanla sülh müqaviləsi bağlamağa tələsməyə vadar edir. Əgər tələsirsənsə, Azərbaycanın ədalətli tələblərinə, gözləntilərinə daha diqqətli olmalısan.