Toivo Klaar minalarla çirklənməni öz gözü ilə görüb

"Ağdama səfərim zamanı və Bakıda ANAMA və digər Azərbaycan rəsmiləri ilə qarşılıqlı əlaqə zamanı öz gözümlə gördüm ki, minaların çirklənməsi Azərbaycanın həll etməli olduğu ən böyük problemlərdən biridir. Bütün mina qurbanları və onların ailələri ilə həmrəy olduğumuzu bildiririk.

Avropa İttifaqı və üzv dövlətlər 2020-ci ildən etibarən Avropa Komandası təşəbbüsünün bir hissəsi olaraq demək olar ki, 13 milyon avro ayırıblar və 2024-cü il üçün əlavə 5 milyon avro ayırmaqla Azərbaycanın səylərində dəstəyi davam etdirməyə ümid edirlər."

Bunu Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar yerli KIV-ə müsahibəsində deyib

"Azərbaycanda ANAMA və digər təşkilatlar tərəfindən aparılan işlərin tempi bizi çox ruhlandırır. Aİ və digər ölkələr son bir neçə ildə Ermənistan və Azərbaycanla, o cümlədən ekspertiza təqdim etməklə bu məsələ üzərində işləyirlər.

Biz bu məsələdə Ermənistan və Azərbaycan arasında əməkdaşlığın genişləndirilməsi istiqamətində fəaliyyətimizi davam etdirəcəyik. Nəhayət, ümid edirik ki, hər iki ölkənin Ottava Konvensiyasına qoşulmasını görəcəyik ki, bu da minaların bölgədə keçmişə çevrilməsi istiqamətində daha bir mühüm addım olacaq," - Toyvo Klaar əlavə edib