Tramp: Çin, Rusiya, İran və Kuba ilə əlaqələri kəsməlisiz!

ABC News mənbələrə istinadən xəbər verir ki, Tramp Venesueladan Çin, Rusiya, İran və Kuba ilə əlaqələri kəsməsini tələb edib.

Qeyd edək ki, 1976-cı ildə Prezident Karlos Perezin dövründə Venesuelanın neft sənayesi milliləşdirildi, lakin Venesuela yaradılan imkanlardan səmərəli istifadə edə bilmədi və neft ixracından əldə edilən gəlirləri öz neft hasilatı potensialını artıra bilmədi. ABŞ şirkətləri ölkədən qovuldu və onların yerini son 30 ildə Çin və Rusiya şirkətləri tutdu.

İran Venesuelanı Latın Amerikasında əməliyyatları üçün istifadə edir. Hizbullah da daxil olmaqla, İranla müttəfiq qruplar ölkəni kəşfiyyat məlumatları toplamaq, maliyyə əməliyyatları və bölgədə mümkün terror planlaşdırmaları üçün bir platforma kimi istifadə edirdilər. İran agentləri və Hizbullah üzvləri Venesuela pasportlarının alınmasında və səyahətlərinin asanlaşdırılmasında kömək edir.

Kuba hərbçiləri və kəşfiyyat zabitləri onilliklərdir ki, Prezident Nikolas Maduro və onun sələfi Huqo Çavesin şəxsi mühafizəsində əsas rol oynayıblar. Kubalı məsləhətçilər də nəzarət və məsləhətləri gücləndirmək üçün Venesuela hərbi və kəşfiyyat strukturlarına yerləşdiriliblər. Maduronun iqamətgahına edilən hücum zamanı onun təhlükəsizlik qüvvələrinin bir hissəsi olan onlarla (36 nəfər) Kuba vətəndaşı öldürülüb. Kuba onlar üçün milli matəm elan edib.