"Tramp marşrutu" 49 və ya 99 il müddətinə icarəyə veriləcək

Bunu Ermənistanın Baş naziri Nikol Paşinyan bəyan edib

Oxuma müddəti:

1 dəqiqə

Nikol Paşinyan bildirib ki, Ermənistan bu gün Marqara-Kornidzor marşrutu ilə Türkiyə yük maşınlarının Azərbaycana və geri tranzitini təmin etməyə hazırdır:

"Biz bunu təklif edirik, çünki hər şey artıq hazırdır".

O, həmçinin strateji məsələlərdə həlledici səs hüququnu saxlayaraq, TRIPP-i həyata keçirmək üçün erməni-amerikan şirkətinin yaradılacağını açıqlayıb.

Ermənistan ABŞ ilə "Tramp marşrutu"nu 49 və ya 99 il müddətinə icarəyə götürmək barədə müzakirələr aparır.

Əvvəlcə, 8 avqust tarixli Vaşinqton Bəyannaməsinə əsasən, 99 illik müddət nəzərdən keçirilib.

Paşinyan qeyd edib ki, müddət seçimi investisiyanın həcmindən və investisiyanın gəlirliliyindən asılıdır: investorlar mənfəətlə gəlir zəmanətinə ehtiyac duyurlar.

O, prosesin siyasi motivlər olmadan sırf maliyyə və iqtisadi xarakter daşıdığını vurğulayıb.