Tramp və Kallas Qrenlandiyaya görə sözləşdilər

Qrenlandiya ətrafında söz-söhbət yenidən alovlanıb

Oxuma müddəti:

1 dəqiqə

Tramp Qrenlandiyanı nəzarətə götürmək niyyətini təkrarlayıb.

"Bizə Qrenlandiya minerallar üçün deyil, milli təhlükəsizlik üçün lazımdır.

Qrenlandiyanın əhalisi çox azdır. Deyirlər ki, Danimarka, amma Danimarka orada heç nə xərcləmir; onların hərbi müdafiəsi yoxdur. Qrenlandiyaya baxsanız, sahil boyunca Rusiya və Çin gəmiləri var.

Deyirlər ki, Danimarka 300 il əvvəl və ya buna bənzər bir şeylə orada olub, qayıqla. Əminəm ki, biz də orada qayıqla idik", - deyə ABŞ Prezidenti Donald Tramp Florida ştatının Palm Biç şəhərində jurnalistlərə bildirib. Bu açıqlamadan sonra Avropa diplomatiyasının rəhbəri Kaya Kallas cavab verib:

"Biz Danimarka və Qrenlandiya ilə həmrəyliyimizi davam etdiririk.

Qrenlandiya Danimarka Krallığı daxilində muxtar ərazidir. Bu statusda hər hansı bir dəyişiklik yalnız qrenlandiyalılar və Danimarkalıların məsələsidir.

Bütün tərəfdaşlarımızdan öz suverenliyinə və ərazi bütövlüyünə hörmət etmələrini, eləcə də xüsusilə BMT Nizamnaməsində və Şimali Atlantika Müqaviləsində təsbit olunmuş beynəlxalq öhdəliklərinə əməl etmələrini gözləyirik".