Türkiyəli alim Egey dənizində güclü zəlzələ olacağını deyir

Krit və Rodos adaları yaxınlığında 7-8 bal gücündə güclü zəlzələ ehtimalı var

Oxuma müddəti:

1 dəqiqə

Türkiyəli seysmoloq Egey dənizində güclü zəlzələ riski ilə bağlı xəbərdarlıq edib.

Alim Süleyman Pampal Yunanıstanın Krit və Rodos adaları yaxınlığında 7-8 bal gücündə güclü zəlzələ ehtimalının yüksək olduğu barədə xəbərdarlıq edib. O, bu proqnozu Türkiyə sahillərində, Mərmərə dənizində artan seysmik aktivliklə əlaqələndirib.
"Biz [Türkiyənin qərbində] Balıkesir əyalətində qeyri-adi bir vəziyyət yaşayırıq, burada hər gün 4-5 bal gücündə zəlzələlər qeydə alınır və bu yaxınlarda orada iki 6 bal gücündə təkan yaşadıq. Bu il Afrika tektonik plitəsinin kənarının maqmaya yaxınlaşdığı və şərqə doğru sürüşdüyü Egey dənizində də oxşar vəziyyət müşahidə olunub. Vəziyyət Krit və Rodos adaları arasında güclü zəlzələ ehtimalı ilə bağlı narahatlıqlar yaradır. Onun bal gücü 7-8 bal ola bilər", - seysmoloq CNN Turk-də bildirib.