UEFA Çempionlar Liqasının finalı Bakıda keçirilə bilər

UEFA İcraiyyə Komitəsinin növbəti iclasında ev sahibliyi uğrunda Bakı Madridlə mübarizə aparacaq

Oxuma müddəti:

1 dəqiqədən az

"Azerisport.com" xəbər verir ki, UEFA İcraiyyə Komitəsinin növbəti iclasında Madrid və Bakının mübarizə apardığı Çempionlar Liqasının 2026/27 mövsümünün finalının yerini açıqlamağa hazırlaşır.

Tipik olaraq, belə görüş bu il mayın 31-də baş tutacaq Çempionlar Liqasının finalından əvvəl baş verir. Yekun məkanın mayın 30-u və ya 31-də açıqlanacağı gözlənilir.

Xatırladaq ki, ispanlar Çempionlar Liqasının həlledici oyununu "Riyadh Air Metropolitano" stadionunda, Azərbaycan tərəfi isə qələbə qazanacağı təqdirdə Bakıdakı Olimpiya Stadionunda keçirməyi planlaşdırır.

Onu da qeyd edək ki, bir neçə həftə əvvəl ispanlar artıq bu yarışda qələbə qazandıqlarını bildirsələr də, UEFA rəsmi olaraq heç nə açıqlamayıb.