ANSTV
ANSÇM
Uşaq və yeniyetmələr arasında piylənmə dörd dəfə artıb
Bu barədə məlumatı Ümumdünya Səhiyyə Təşkilatı yayıb
1 dəqiqə
Yer üzündə 1 milyarddan çox insan piylənmədən əziyyət çəkir.
Bu barədə nəticələri Böyük Britaniyanın “Lancet” jurnalında dərc edilmiş tədqiqata istinadla Ümumdünya Səhiyyə Təşkilatı (ÜST) məlumat yayıb.
“Bu araşdırma göstərdi ki, 2022-ci ildə dünyada 1 milyarddan çox insan piylənmə ilə yaşayıb", - ÜST qeyd edib ki, söhbət planetin hər səkkizinci sakinindən gedir.
“1990-cı ildən bəri böyüklər arasında piylənmənin qlobal yayılması iki dəfədən çox, uşaq və yeniyetmələr (5-19 yaş arası) arasında isə dörd dəfə artıb", - təşkilat bildirib ki, 2022-ci ilə qədər böyüklərin 43 faizi artıq çəkidən əziyyət çəkib.
ÜST xatırladıb ki, piylənmə ürək-damar xəstəlikləri, diabet və bəzi xərçəng növlərinə səbəb ola bilər.
