Vladimir Putin pulsuz efir vaxtından imtina edib
Bu barədə Putinin seçki qərargahı məlumat yayıb
![Vladimir Putin pulsuz efir vaxtından imtina edib](/uploads/images/2024/02/rs/image_750x_65cb38fa3f63d-750-1080-resize.webp)
Vladimir Putin federal televiziya və radio kanallarının prezidentliyə namizədlər üçün ayırdığı pulsuz efir vaxtından imtina edib.
Bu barədə Putinin seçki qərargahı Mərkəzi Seçki Komissiyasına (MSK) məlumat verib.
MSK-ya prezidentliyə namizədlər arasında pulsuz efir vaxtı üçün püşkatmada iştiraka dair müraciətlər daxil olub. Seçkiqabağı təbliğat qərargahından Putinin pulsuz efir vaxtından imtina etdiyi barədə MSK-ya məktub daxil olub.
Xatırladaq ki, Vladimir Putin artıq beşinci dəfədir prezident seçkilərində iştirak edir. O, 2000-ci, 2004-cü, 2012-ci və 2018-ci illərdə də prezident seçkilərinə qatılmışdı.
Rusiyada prezident seçkiləri bu il martın 15-17-də keçiriləcək.