ANSTV
ANSÇM
“Volkswagen”in yeni modellərində süni intellekt proqramı
“Bloomberg” telekanalı xəbər verir
1 dəqiqə
Almaniyanın “Volkswagen” konserni istehsal etdiyi yeni avtomobillərdə “ChatGPT” süni intellekt proqramını tətbiq edir.
“Bloomberg” telekanalı xəbər verir ki, alman şirkəti İstehlakçı Elektronikası Sərgisində (CES) yeni IDA səsli assistenti ilə təchiz edilmiş “Tiguan”, “Passat”, “Golf” avtomobillərində süni intellekt dəstəyi olan çat robotu tətbiq etdiyini bəyan edib. “Volkswagen”in sözçüsü bildirib ki, 2024-cü ilin ikinci yarısından etibarən bütün yeni modellər bu tətbiqlə buraxılacaq. “ChatGPT”, həmçinin şirkətin ID markalı dörd elektromobilində də quraşdırılacaq.
Almaniyanın digər avtomobil nəhəngi – “Mercedes” də IDA səsli naviqasiya nəzarəti sistemindən və süni intellekt tətbiqindən istifadə edəcək. Sonuncunu alman şirkətlərinə “Cerence” süni intellekt proqramları kompaniyası təqdim edir.
Hazırda “Volkswagen” seni intellekt tətbiqini ən çox təqdim edən şirkətdir. Alman konserni bildirib ki, “ChatGPT” sayəsində sürücülər bir çox məsələlər barədə suallar verəcək və cavablar ala biləcəklər.
