Yaponiyada delfin ovu mövsümü başlayır

Yaponiyada hər il reaksiyalara səbəb olan ənənəvi “delfin ovu” mövsümü başlayıb. Delfinlərlə yanaşı balinaları da ovlayacaq balıqçıların mövsümün sonuna qədər 9 növdən olan təxminən 1800 dəniz məməlisini öldürəcəyi gözlənilir.

Yaponiyada ənənəvi delfin balıq ovu mövsümü dünən Vakayama prefekturasının Taiji balıqçı qəsəbəsində başlayıb.

Bəzi heyvan hüquqları müdafiəçilərinin reaksiyalarına baxmayaraq, yerli vaxtla saat 05:00 radələrində 11 balıqçı qayığı sahildən təxminən 10 kilometr aralıda delfin və balina axtarışına başlayıb.

İsana Balıqçılıq Kooperativindən əldə edilən məlumata görə, balıqçılar mövsümün ilk günü limana əliboş qayıdıblar. Vakayama əyaləti delfin ov mövsümünün fevralın sonuna qədər, balina ovu mövsümünün isə aprelin sonuna qədər davam edəcəyini bəyan edib.

Balıqçıların qanuni icazələr çərçivəsində mövsüm ərzində 9 müxtəlif növdən təxminən 1800 delfin və balinanı tutması və ya öldürməsi gözlənilir.

Onlar kəsici alətlərlə öldürülürlər.

Yaponiyanın Taiji şəhəri ilə eyniləşdirilən ənənəvi ov üsulu, delfinlərin və balinaların qayıqların köməyi ilə bir qoya doğru istiqamətləndirilməsi və burada tutulmasına əsaslanır ki, bu da heyvanların kəsici alətlərlə öldürülməsi səbəbindən tənqidlərə səbəb olur.

Delfin ovçuluğu yüz illər əvvələ gedib çıxan Yaponiyada 31 illik fasilədən sonra Beynəlxalq Balina Ovlama Komissiyasından (IWC) çıxdıqdan sonra 2019-cu ildə kommersiya balina ovuna yenidən qanuniləşdirilib.