Yeni Kaledoniyada etiraz aksiyaları vaxtı 10 nəfər ölüb
Bu barədə AFP agentliyi prokurorluğa istinadən xəbər verir.
![Yeni Kaledoniyada etiraz aksiyaları vaxtı 10 nəfər ölüb](/uploads/images/2024/07/rs/image_750x_668e6f1cbd881-750-1080-resize.webp)
Fransanın dənizaşırı koloniyası Yeni Kaledoniya ərazisində etiraz aksiyaları zamanı ölənlərin sayı 10 nəfərə çatıb.
“Hüquq-mühafizə orqanlarının əməkdaşları çərşənbə günü Yeni Kaledoniyanın cənubunda bir nəfəri öldürərək, arxipelaqda təxminən iki ay əvvəl başlayan etirazlardan sonra ölənlərin sayını 10-a çatdırıb”, - deyə agentlik bildirib.
Kişinin Milli Jandarm Müdaxilə Qrupunun (GIGN) üzvləri tərəfindən vurulduğu dəqiqləşir.
Bu ilin may ayında Yeni Kaledoniyada Fransadan müstəqillik tərəfdarlarının etirazları başlayıb. Fövqəladə vəziyyət mayın 13-dən 27-dək davam edib.