ABŞ İsrailin İrana hücumundan əvvəl mollalara şans veribmiş

Bu barədə "Washington Post" və "PBS Frontline" nəşrlərinin araşdırmasında bildirilir

Oxuma müddəti:

1 dəqiqə

ABŞ, İsrailin mümkün hücumundan əvvəl İrana sanksiyaların tam aradan qaldırılmasını təklif edib.

"Washington Post" və "PBS Frontline" tərəfindən aparılan araşdırma, İsrailin bu yay İran nüvə alimlərinə qarşı sui-qəsd kampaniyası olan Narnia Əməliyyatının yeni təfərrüatlarını ortaya çıxarıb. Prezident Trampla görüş zamanı İsrailin Baş naziri Netanyahu dörd variant təqdim edib: müstəqil İsrail əməliyyatından ABŞ ilə tam əməkdaşlığa qədər, o cümlədən Amerika qüvvələrinin liderliyi ələ keçirəcəyi variant.

Kampaniya başladıqdan sonra belə, Tramp administrasiyası son diplomatik cəhd edib: 15 iyunda ABŞ Qətər vasitəçiləri vasitəsilə İrana razılaşma təklif edib. Buraya "Hizbullah" və HƏMAS-a dəstəyin dayandırılması və Fordo uran zənginləşdirmə zavodunun və digər obyektlərin zənginləşdirməyə imkan verməyən alternativlərlə əvəz edilməsi daxil idi. Bunun müqabilində ABŞ İrana tətbiq edilən bütün sanksiyaları ləğv edəcəyinə söz verib.